قصتنا
قصتنا
بدأت بن الشريب سنة 2024 من فكرة بسيطة وواضحة
إن القهوة اللي الناس تحب تشربها كل يوم، لازم يكون طعمها ثابت كل مرة.
لأن القهوة بالنسبة لنا مش مجرد مشروب، القهوة قادرة تبدأ يومك بشكل مظبوط وقادرة كمان تغيّر مزاجك كله.
وعلشان كده اهتمّينا بكل تفصيلة، من أول اختيار الحبوب، لحد درجات التحميص الدقيقة، علشان نوصل لطعم واضح، متوازن، وثابت في كل مرة.
رحلة البحث خدتنا لاختيار حبوب من 11 دولة، بندور فيها على أفضل توازن بين النكهة، الثبات، والجودة، علشان نقدر نقدم قهوة تناسب كل مزاج وكل وقت.
ومن أول يوم، كان هدفنا إن كل فنجان من بن الشريب يبقى بنفس الجودة ونفس الإحساس ونفس الطعم اللي تعتمد عليه كل مرة.
مهمتنا
بن الشريب علامة قهوة مصرية، بنؤمن إن القهوة جزء من تفاصيل يومنا واللحظات اللي بنعيشها كل يوم.
لان فنجان القهوة اللى بتبدأ بيه يومك، بيغيّر مزاجك، أو بيجمعك مع الناس اللي بتحبهم، وعلشان كده كانت مهمتنا من البداية إننا نكون جزء من اللحظات دي ونشاركك ذكريات حلوة تفضل مرتبطة بطعم قهوة بن الشريب.
رؤيتنا
إننا نقدّم تجربة قهوة ثابتة وموثوقة، معتمدة على اختيار حبوب البن بعناية من 11 دولة مختلفة حول العالم، علشان نوصل لأفضل توازن بين الجودة والطعم والثبات في كل فنجان.وهدفنا إن بن الشريب يوصل لكل مكان في مصر بسهولة من خلال الويب سايت، علشان يقدر أي شخص يستمتع بنفس الجودة ونفس الطعم اللي يعتمد عليه كل يوم.
